Musika

May kapangyarihan ang awit magbigay-saysay
Sa bawat bagay na dala ng buhay.
Malaking ginhawa ang kayang idantay
Sa nahahapong isip, kahit walang malay.

Hindi ba't ang awit ang nagbibigay himig
Sa bawat bibig na nawawalan ng tinig?
Hindi ba't saliw ng tugtog ng pag-ibig
ang pumapawi sa matang daluyan ng tubig?

Sa musika maaaring isabay
ang tuwa't saya, sakit at lumbay.
Sa musika maaaring ikampay
ang mga pakpak na nangangalupaypay.

Musika ang ibig marinig
kapag maingay ang paligid
o kahit pa tahimik.
Dahil ang musika ay pag-ibig.