Marunong din naman akong sumuko.
Kahit na gustung-gusto ko pang sahurin ang mga ngiti mo
Sabay ibulsa sila isa-isa.
Kaya kong limutin ang nasa kong
punasan ang bawat patak ng luha mo
habang sabay-sabay silang nahuhulog.
Kung hindi mo naman kailangan
Pwede ko pa naman itapon ang naipon kong
pag-aalala sa'yo.
Kaya kong isuko ang lahat ng pangako.
Kung gusto mo.
Kahit naman ano, kaya kong ibigay sayo
Sumaya ka lang.
No comments:
Post a Comment