Damit

Ang pag-asa

ay patuloy na pagtatagni ng mga napunit na tela ng damit

na mahabang nakatiwangwang sa araw at ulan

Ang pag-asa 

ay pagtatahi ng mga piraso ng tela ng damit 

na di panalampas ng matalim na ngipin ni Tagpi

Ang pag-asa 

ay pagkukumpuni ng tela ng damit

na pinagdugtong ng sinulid ngunit

pinunit ng paulit-ulit na paggupit.

Ang pag-asa 

ay pagtatahi-tahi, pagtagpi-tagpi, at pagtupi-tupi

ng mga dulo ng damit

na di na magdikit.