Ganito ang ibig sabihin ng iyong paglisang muli
Isang sanggol ang hindi na ipinanganak
Isang bata ang di natutong maglaro
Isang bintana ang naisara sa pangalawang pagkakataon
Isang awitin ang kinatha ngunit di na tinugtog
Isang tula ang hindi naisulat kaya di naging tula
Isang ngiti ang nagkubli sa mga labi
Isang bituin ang sumabog
Isang bahay ang hindi naitayo kaya tinirhan na lang ng gagamba
Isang manok ang di natutong tumilaok
Isang umaga ang di na sisikat muli.
-h
No comments:
Post a Comment